საქართველოს კანონის "საგზაო მოძრაობის უსაფრთხოების შესახებ" (28.05.1999 წელი) პირველი თავის, პირველი მუხლის, "ჩ" პუნქტის თანახმად სავალი ნაწილი არის გზის ელემენტი, რომელიც განკუთვნილია ურელსო სატრანსპორტო საშუალების მოძრაობისათვის. ხოლო იმავე მუხლის "დ" პუნქტის თანახმად გამყოფი ზოლი არის გზის ელემენტი, რომელიც ყოფს მომიჯნავე სავალ ნაწილებს და განკუთვნილი არ არის ურელსო სატრანსპორტო საშუალების მოძრაობისათვის ან გაჩერებისათვის და ქვეითის მოძრაობისათვის. მოცემულ გზაჯვარედინზე გვაქვს სავალი ნაწილების ორი გადაკვეთა.