საქართველოს კანონის "საგზაო მოძრაობის უსაფრთხოების შესახებ" (28.05.1999 წელი) მე-5 თავის, 30-ე მუხლის, მე-5 პუნქტის, "გ" ქვეპუნქტის თანახმად გასწრება აკრძალულია რკინიგზის გადასასვლელზე და მის წინ, 100 მეტრზე ახლოს. ხოლო ამავე კანონის საქართველოს საგზაო მოძრაობის წესების დანართის პირველი თავის "საგზაო ნიშნები" გამაფრთხილებელი ნიშნების განმარტებების თანახმად საგზაო ნიშანი 1.2 "რკინიგზის უშლაგბაუმო გადასასვლელი” სახიფათო მონაკვეთის დასაწყისამდე იდგმება დასახლებული პუნქტის გარეთ 150-300 მეტრზე. ნიშანი დასახლებული პუნქტის გარეთ მეორდება. მეორე ნიშანი იდგმება სახიფათო მონაკვეთის დასაწყისიდან არანაკლებ 50 მეტრ მანძილზე. "საგზაო მოძრაობის წესების" თანახმად:- საგზაო ნიშნები 1.4.1-1.4.6 "რკინიგზის გადასასვლელთან მიახლოება” დამატებით აფრთხილებენ მძღოლს რკინიგზის შლაგბაუმიანი ან უშლაგბაუმო გადასასვლელთან მიახლოების თაობაზე. ნიშნები იდგმება მხოლოდ დაუსახლებელ პუნქტებში. - საგზაო ნიშნები 1.4.1-1.4.3 იდგმება რკინიგზის გადასასვლელამდე გზის მარჯვენა მხარეს, ხოლო 1.4.4-1.4.6 გზის მარცხენა მხარეს. - საგზაო ნიშნები 1.4.1 და 1.4.4 იდგმება უშუალოდ 1.1 ან 1.2 რიგით პირველი ნიშების ქვეშ. მოცემულ სიტუაციაში საგზაო ნიშნები 1.2 "რკინიგზის უშლაგბაუმო გადასასვლელი” და 1.4.1 "რკინიგზის გადასასვლელთან მიახლოება” გვაფრთხილებს, რომ რკინიგზის გადასასვლელიდან იმყოფებით 150-300 მეტრში და გასწრების უფლება გაქვთ, მაგრამ მანევრი უნდა დამთავრდეს რკინიგზის გადასასვლელამდე 100 მეტრ მანძილზე.