საქართველოს კანონის "საგზაო მოძრაობის უსაფრთხოების შესახებ" (28.05.1999 წელი) საქართველოს საგზაო მოძრაობის წესების დანართის I თავის "საგზაო ნიშნები", 7.19 პუნქტის თანახმად საგზაო ნიშანი 7.19 "საშიში ტვირთის კლასი" მიუთითებს საშიში ტვირთის კლასის ნომერს 19433-88 სახელმწიფო სტანდარტის მიხედვით. დაფა თავსდება უშუალოდ იმ ნიშნის ქვემოთ, რომელთანაც ის გამოიყენება. დამატებითი ინფორმაციის ნიშანი (დაფა) აზუსტებს ან ზღუდავს იმ ნიშნის მოქმედებას, რომელთანაც ის გამოიყენება. ხოლო ამავე თავის 4.1.1 პუნქტის თანახმად საგზაო ნიშანი 4.1.1 "მოძრაობა პირდაპირ" მოძრაობის ნებას რთავს მხოლოდ ნიშანზე ისრით მითითებული მიმართულებებით. 4.1.1-4.1.6 ნიშნების მოქმედება ვრცელდება სავალი ნაწილის იმ გადაკვეთაზე, რომლის წინაც დადგმულია სათანადო ნიშანი. მოცემულ სიტუაციაში საგზაო ნიშანის 4.1.1 "მოძრაობა პირდაპირ" ქვემოთ მოთავსებული დამატებითი ინფორმაციის დაფა 7.19 "საშიში ტვირთის კლასი" ავტომატარებელს, რომელზედაც დაყენებულია საცნობი ნიშანი "საშიში ტვირთი” მოძრაობის ნებას რთავს მხოლოდ პირდაპირ.