საქართველოს კანონის "საგზაო მოძრაობის უსაფრთხოების შესახებ" (28.05.1999 წელი) საქართველოს საგზაო მოძრაობის წესების დანართის პირველი თავის "საგზაო ნიშნები", პირველი პუნქტის "გამაფრთხილებელი ნიშნები" განმარტების თანახმად: ნიშნები 1.1, 1.2, 1.5-1.30 სახიფათო მონაკვეთის დასაწყისამდე იდგმება დასახლებული პუნქტის გარეთ 150-300 მეტრზე, დასახლებულ პუნქტში კი 50-100 მეტრ მანძილზე. აუცილებლობისას, ნიშნები იდგმება სხვა მანძილზეც, რომელიც ამ შემთხვევაში მითითებულია 7.1.1 დაფაზე. ნიშნები 1.1, 1.2, 1.10, 1.21 და 1.23 დასახლებული პუნქტის გარეთ მეორდება. მეორე ნიშანი იდგმება სახიფათო მონაკვეთის დასაწყისიდან არა ნაკლებ 50 მეტრ მანძილზე. მოცემულ კითხვაში გვაქვს საგზაო ნიშნები 1.10 "სანაპიროზე გასასვლელი" და 1.21 "ბავშვები" რომლებიც დაუსახლებელ პუნქტში იდგმება ორჯერ: პირველი 150-300 მეტრ მანძილზე, მეორე - არაუახლოეს 50 მეტრის დაშორებით, სახიფათო უბნის დასაწყისიდან.