საქართველოს კანონის "საგზაო მოძრაობის უსაფრთხოების შესახებ" (28.05.1999 წელი) მე-5 თავის, 27-ე მუხლის, მე-7 პუნქტის თანახმად მოხვევა სრულდება ისე, რომ სავალი ნაწილების გადაკვეთიდან გამოსვლისას სატრანსპორტო საშუალება არაღმოჩნდეს საპირისპირო მოძრაობის მხარეს. ხოლო იმავე თავის 37-ე მუხლის, მე-2 პუნქტის თანახმად 5.10.3 "სამარშრუტო სატრანსპორტო საშუალებებისათვის განკუთვნილ ზოლიან გზაზე გასვლა" საგზაო ნიშანით აღნიშნულია სამარშრუტო სატრანსპორტო საშუალებების მოძრაობისათვის განკუთვნილი ზოლია, აკრძალულია ამ ზოლზე სხვა სატრანსპორტო საშუალებათა მოძრაობა და გაჩერება. თუ ეს ზოლი დანარჩენი სავალი ნაწილიდან გამოყოფილია მონიშვნის წყვეტილი ხაზით, მოხვევისას სხვა სატრანსპორტო საშუალებები ამ ზოლზე უნდა გადაჯგუფდნენ. ნებადართულია აგრეთვე ამ ზოლის ისეთ ადგილებში შესვლა გზაზე გასვლისა და მგზავრთა ჩასხდომა-გადმოსხდომის დროს სავალი ნაწილის მარჯვენა ნაპირთან, თუ ეს არდააბრკოლებს სამარშრუტო სატრანსტორტო საშუალებების მოძრაობას. მოცემულ სიტუაციაში მსუბუქი ავტომობილი მარცხნივ მოხვევით გადის ცალმხრივმოძრაობიან გზაზე, სადაც სავალი ნაწილის მარცხენა ზოლში ორგანიზებულია სამარშრუტო სატრანსტორტო საშუალებების მოძრაობა მარცხნიდან მარჯვნივ და მძღოლი ვალდებულია სავალი ნაწილების გადაკვეთიდან გამოსვლისას არაღმოჩნდეს საპირისპირო მოძრაობის მხარეს, რასაც არასრულებს და არღვევს საგზაო მოძრაობის წესების მოთხოვნებს.