საქართველოს კანონის „საგზაო მოძრაობის უსაფრთხოების შესახებ" (28.05.1999 წელი) 5-ე თავის 32-ე მუხლის 5-ე პუნქტის თანახმად არარეგულირებულ გზაჯვარედინზე, არათანაბარმნიშვნელოვან გზების გადაკვეთაზე მეორეხარისხოვან გზაზე მოძრავი სატრანსპორტო საშუალების მძღოლი გზას უთმობს მთავარი გზიდან მოახლოებულ სატრანსპორტო საშუალებას, მისი შემდგომი მოძრაობის მიმართულების მიუხედავად. ხოლო საქართველოს „საგზაო მოძრაობის წესების" ტერმინთა განმარტებების თანახმად „მთავარი გზა" არის 2.1, 2.3.1-2.3.3 ან 5.1 საგზაო ნიშნებით აღნიშნული გზა გადასაკვეთ (მიერთებულ) გზასთან შედარებით. მოცემულ შემთხვევაში ნაჩვენებია ნიშნები: 2.7 „უპირატესობა შემხვედრ მოძრაობასთან", 2.3.3 „მეორეხარისხოვანი გზის შეერთება" და 2.1 „მთავარი გზა", რომელთაგან არარეგულირებული გზაჯვარედინის გავლის უპირატესობას გვანიჭებს მეორე და მესამე საგზაო ნიშნები.