საქართველოს კანონის "საგზაო მოძრაობის უსაფრთხოების შესახებ" (28.05.1999 წელი) მე-5 თავის, 25-ე მუხლის, მე-3 პუნქტის თანახმად მწვანე, ყვითელი და წითელი ფერის ისრიანი (ისრებიანი), ან შუქნიშნის სიგნალებს იგივე მნიშვნელობა აქვთ, რაც შესაბამისი ფერის მრგვალ სიგნალებს, მაგრამ მათი მოქმედება ვრცელდება მხოლოდ ისრით მითითებული მიმართულებით (მიმართულებებით). ამასთან, ისარი, რომელიც მარცხნივ მოხვევის ნებას რთავს, მობრუნების უფლებასაც იძლევა, თუ ეს შესაბამისი საგზაო ნიშნით არარის აკრძალული. გზაჯვარედინის წინ ზოლების თავზე განლაგებული შუქნიშნების მოქმედება ვრცელდება იმ ზოლზე, რომლის ზემოთაც არიან განლაგებული და იმავე მუხლის მე-2 პუნქტის, "ე” ქვეპუნქტის თანახმად, შუქნიშნის წითელი სიგნალი, აგრეთვე წითელი მოციმციმე სიგნალი კრძალავს მოძრაობას. წითელი და ყვითელი სიგნალების ერთობლივი ჩართვა კრძალავს მოძრაბას და იძლევა ინფორმაციას მწვანე სიგნალის ჩართვის შესახებ.მოცემულ სიტუაციაში, იმ ზოლის თავზე, სადაც იმყოფება მსუბუქი ავტომობილი, ჩართულია წითელი სიგნალი და ავტომობილის მძღოლს არცერთი ნაჩვენები მიმართულებით მოძრაობის უფლება არა აქვს.