საქართველოს კანონის "საგზაო მოძრაობის უსაფრთხოების შესახებ" (28.05.1999 წელი) მე-5 თავის, 32-ე მუხლის, მე-5 პუნქტის, "ა" ქვეპუნქტის თანახმად, არათანაბარმნიშვნელოვანი გზების გადაკვეთაზე მეორეხარისხოვან გზაზე მოძრავი სატრანსპორტო საშუალების მძღოლი გზას უთმობს მთავარი გზიდან მოახლოებულ სატრანსპორტო საშუალებას, მისი შემდგომი მოძრაობის მიმართულების მიუხედავად. ხოლო იმავე მუხლის მე-6 პუნქტის თანახმად. მარცხნივ მოხვევისას, ან მობრუნებისას ურელსო სატრანსპორტო საშუალების მძღოლი ვალდებულია გზა დაუთმოს თანაბარმნიშვნელოვან გზაზე საპირისპირო მიმართულებიდან პირდაპირ, ან მარჯვნივ მოძრავ სატრანსპორტო საშუალებას. ამავე წესით ხელმძღვანელობენ ტრამვაის მძღოლებიც.მოცემულ სიტუაციაში სატვირთო ავტომობილი იმყოფება მთავარგზაზე და ის გაივლის პირველი, ხოლო მოტოციკლი და მსუბუქი ავტომობილი იმყოფებიან მეორეხარისხოვან გზაზე, რომელთაგან უპირატესობა ენიჭება მოტოციკლს და გზაჯვარედინს მძღოლები გაივლიან შემდეგი თანმიმდევრობით: სატვირთო ავტომობილი, მოტოციკლი, მსუბუქი ავტომობილი.