საქართველოს კანონის "საგზაო მოძრაობის უსაფრთხოების შესახებ" (28.05.1999 წელი) საქართველოს საგზაო მოძრაობის წესების დანართის პირველი თავის "საგზაო ნიშნები" პირველი პუნქტის განმარტების თანახმად გამაფრთხილებელი საგზაო ნიშნები 1.1, 1.2, 1.5-1.30 სახიფათო მონაკვეთის დასაწყისამდე იდგმება დასახლებული პუნქტის გარეთ 150-300 მეტრზე, დასახლებულ პუნქტში კი - 50-100 მეტრ მანძილზე. აუცილებლობისას, ნიშნები იდგმება სხვა მანძილზეც, რომელიც ამ შემთხვევაში მითითებულია 7.11 დაფაზე. ამავე თავის 7.2.1 პუნქტის თანახმად დამატებითი ინფორმაციის ნიშანი 7.2.1 "მოქმედების ზონა” მიუთითებს გამაფრთხილებელი ნიშნებით აღნიშნული გზის სახიფათო მონაკვეთის სიგრძეზე ან ამკრძალავი და საინფორმაციო-მაჩვენებელი ნიშნის მოქმედების ზონაზე. მოცემულ სიტუაციაში, დაუსახლებელ პუნქტში დაყენებული გამაფრთხილებელი საგზაო ნიშანი 1.18.2 "გზის შევიწროება” დამატებითი ინფორმაციის ნიშანთან ერთად 7.2.1 "მოქმედების ზონა”, გვაწვდის ინფორმაციას, რომ ნიშნიდან 150-300 მეტრის შემდეგ არის გზის შევიწროება მარჯვენა მხრიდან, რომლის სიგრძეა 100 მეტრი.