საქართველოს კანონის "საგზაო მოძრაობის უსაფრთხოების შესახებ" (28.05.1999 წელი) მე-5 თავის, 25-ე მუხლის, მე-10 პუნქტის, "ბ.ა" ქვეპუნქტის თანახმად, როცა მარეგულირებელის მარჯვენა ხელი წინ არის გაშვერილი სიგნალებს აქვს შემდეგი მნიშვნელობა, მარცხენა გვერდის მხრიდან ტრამვაის უფლება აქვს იმოძრაოს მარცხნივ, ურელსო სატრანსპორტო საშუალებებს - ყველა მიმართულებით. იმავე თავის 32-ე მუხლის, მე-4 პუნქტის, "გ” ქვეპუნქტის თანახმად, თუ შუქნიშნის, ან მარეგულირებლის სიგნალები ერთდროულად ტრამვაისა და ურელსო სატრანსპორტო საშუალებას ნებას რთავს, მაშინ ტრამვაის აქვს უპირატესობა, მიუხედავად მისი მოძრაობის მიმართულებისა, მაგრამ შუქნიშნის დამატებით სექციაში ყვითელ, ან წითელ სიგნალებთან ერთად ჩართული ისრის მიმართულებით მოძრაობისას ტრამვაიმ გზა უნდა დაუთმოს სხვა მიმართულებიდან მოძრავ სატრანსპორტო საშუალებას. მოცემულ სიტუაციაში, ტრამვაის მძღოლს უფლება არა აქვს მოძრაობა გააგრძელოს პირდაპირდა მარჯვნივ, ამიტომ მსუბუქი ავტომობილის მძღოლმა გზაჯვარედინი უნდა გაიაროს პირველმა.