საქართველოს კანონის "საგზაო მოძრაობის უსაფრთხოების შესახებ" (28.05.1999 წელი) საქართველოს საგზაო მოძრაობის წესების დანართის პირველი თავის "საგზაო ნიშნები" თანახმად საგზაო ნიშნები: - 4.1.1 "მოძრაობა პირდაპირ" და 4.1.2 "მოძრაობა მარჯვნივ" მოძრაობა ნებადართულია მხოლოდ ნიშანზე მითითებული მიმართულებებით. ნიშნები, რომლებიც მარცხნივ მოხვევის ნებას რთავენ, მობრუნების ნებასაც იძლევიან. მოცემული საგზაო ნიშნები მარცხნივ მოხვევის ნებას არიძლევიან და აქედან გამომდინარე არც მობრუნების.- 3.18.2 "მარცხნივ მოხვევა აკრძალულია" კრძალავს მხოლოდ მარცხნივ მოხვევას.-5.10.1 "სამარშრუტო სატრანსპორტო საშუალებებისათვის განკუთვნილი ზოლიანი გზა" და იმავე კანონის 37-ე მუხლის მე-2 პუნქტის თანახმად გზაზე, სადაც 5.9, 5.10.1-5.10.3 ნიშნებით აღნიშნული სამარშრუტო სატრანსპირტო საშუალებებისათვის განკუთვნილი ზოლია, აკრძალულია ამ ზოლზე სხვა სატრანსპირტო საშუალებათა მოძრაობა და გაჩერება. თუ ეს ზოლი დანარჩენი სავალი ნაწილიდან გამოყოფილია მონიშვნის წყვეტილი ხაზით, მოხვევისას სხვა სატრანსპირტო საშუალებები ამ ზოლზე უნდა გადაჯგუფდნენ. ნებადართულია აგრეთვე ამ ზოლზე ასეთ ადგილებში შესვლა გზაზე გასვლისა და მგზავრთა ჩასხდომა-გადმოსხდომის დროს სავალი ნაწილის მარჯვენა ნაპირთან, თუ ეს არდააბრკოლებს სამარშრუტო სატრანსპირტო საშუალებების მოძრაობას. ე. ი. მოცემული საგზაო ნიშანი 5.10.1 მობრუნების ნებას არიძლევა. - 5.8.2 "ზოლზე მოძრაობის მიმართულებანი" გვაჩვენებს ზოლზე მოძრაობის ნებადართულ მიმართულებებს. ნიშნები, რომლებიც უკიდურესი მარცხენა ზოლიდან მოხვევის ნებას რთავენ, ამავე ზოლიდან მობრუნების ნებასაც იძლევიან. მოცემული საგზაო ნიშანი მარცხნივ მოხვევის ნებას არიძლევა და აქედან გამომდინარე არც მობრუნების. მოცემული საგზაო ნიშნებიდან მობრუნების უფლებას იძლევა მხოლოდ B ასოთი აღნიშნული საგზაო ნიშანი 3.18.2 "მარცხნივ მოხვევა აკრძალულია".