საქართველოს კანონის "საგზაო მოძრაობის უსაფრთხოების შესახებ" (28.05.1999 წელი) საქართველოს საგზაო მოძრაობის წესების დანართის პირველი თავის "საგზაო ნიშნები", 3.4 პუნქტის თანახმად ამკრძალავი ნიშანი 3.4 "სატვირთო ავტომობილების მოძრაობა აკრძალულია" კრძალავს სატვირთო ავტომობილებისა და სატრანსპორტო საშუალებების შემადგენლობების, აგრეთვე ტრაქტორისა და თვითმავალი მანქანის მოძრაობას, რომელთა ნებადართული მაქსიმალური მასა 3,5 ტონას აღემატება (თუ ნიშანზე მასა არარის მითითებული, ან აქვთ ნებადართული მაქსიმალური მასა, რომელიც აღემატება ნიშანზე მითითებულს). იმავე თავის 7.3.1-7.3.3 პუნქტის თანახმად დამატებითი ინფორმაციის ნიშნები (დაფები) 7.3.1-7.3.3 "მოქმედების მიმართულებები" მიუთითებს გზაჯვარედინის წინ დადგმული ნიშნის მოქმედების მიმართულებას, ან მოძრაობის მიმართულებას უშუალოდ გზასთან არსებული ობიექტისაკენ. მოცემულ სიტუაციაში გზაჯვარედინის წინ დაყენებულია საგზაო ნიშანი 3.4 "სატვირთო ავტომობილების მოძრაობა აკრძალულია" მითითებული ნებადართული მაქსიმალური მასით - 8 ტონა, კრძალავს 8 ტონაზე მეტი ნებადართული მაქსიმალური მასის მქონე სატვირთო ავტომობილების მოძრაობას, ხოლო 7.3.2 დამატებითი ინფორმაციის დაფა, მიუთითებს, რომ ნიშნის მოქმედება გზაჯვარედინზე ვრცელდება მარცხნივ. მძღოლებს უფლება აქვთ გააგრძელონ მოძრაობა ნაჩვენები მიმართულებებით.