საქართველოს კანონის "საგზაო მოძრაობის უსაფრთხოების შესახებ" (28.05.1999 წელი) მე-5 თავის, 29-ე მუხლის, მე-4 პუნქტის, "ა" ქვეპუნქტის თანახმად, დაუსახლებელ პუნქტში ნებადართულია მოძრაობა მსუბუქი და სატვირთო ავტომობილებისა, რომელთა ნებადართული მაქსიმალური მასა არაღემატება 3,5 ტონას, ავტომაგისტრალზე - არა უმეტეს 110 კმ/სთ, სხვა გზებზე - არა უმეტეს 90 კმ/სთ სიჩქარით. ამავე კანონის საქართველოს საგზაო მოძრაობის წესების დანართის პირველი თავის "საგზაო ნიშნები" 4.7 და 7.14 პუნქტების თანახმად, საგზაო ნიშნები: - 4.7 "მინიმალური სიჩქარის შეზღუდვა" მოძრაობის ნებას რთავს მხოლოდ მითითებული ან მეტი (კმ/სთ) სიჩქარით. - 7.14 "მოძრაობის ზოლი" მიუთითებს ზოლზე, რომელზედაც ვრცელდება ნიშნის ან შუქნუშნის მოქმედება. მოცემულ სიტუაციაში ვიმყოფებით დაუსახლებელ პუნქტში, სადაც გზის მარცხენა ზოლზე შეზღუდულია მინიმალური სიჩქარე 50 კმ/სთ-ით, ამიტომ შეგიძლიათ იმოძრაოთ არანაკლები 50 კმ/სთ და არა უმეტესი 90 კმ/სთ სიჩქარით.