საქართველოს კანონის "საგზაო მოძრაობის უსაფრთხოების შესახებ" (28.05.1999 წელი) მე-5 თავის, 27-ე მუხლის, მე-13 პუნქტის თანახმად მობრუნება აკრძალულია: ა) ქვეითთა გადასასვლელზე; ბ) გვირაბში; გ) ხიდებზე, გზაგამტარებზე, ესტაკადებზე და მათ ქვეშ; დ) რკინიგზის გადასასვლელზე; ე) გზაზე, სადაც ხილვადობა თუნდაც ერთი მიმართულებით 100 მეტრზე ნაკლებია; ვ) იმ ადგილზე სადაც გასაჩერებელი პუნქტია. ხოლო იმავე კანონის საქართველოს საგზაო მოძრაობის წესების დანართის I თავის "საგზაო ნიშნები" 4.1.1 პუნქტის თანახმად საგზაო ნიშანი 4.1.1 "მოძრაობა პირდაპირ" დამატებითი ინფორმაციის დაფით 7.4.1 "სატრანსპორტო საშუალების სახეობა" პირდაპირმოძრაობას ავალდებულებს იმ სატვირთო ავტომობილებს, რომელთა ნებადართული მაქსიმალური მასა 3,5 ტონაზე მეტია.მოცემულ სიტუაციაში სატვირთო ავტომობილის მძღოლს მობრუნება შეუძლია შეასრულოს სურათზე ნაჩვენები ორივე ტრაექტორიით.