საქართველოს კანონის "საგზაო მოძრაობის უსაფრთხოების შესახებ" (28.05.1999 წელი) მე-5 თავის, 25-ე მუხლის, მე-10 პუნქტის "ბა" და "ბბ" ქვეპუნქტების თანახმად, როდესაც მარეგულირებელის მარჯვენა ხელი წინ არის გაშვერილი: ბ.ა) მარცხენა გვერდის მხრიდან ტრამვაის უფლება აქვს იმოძრაოს მარცხნივ, ურელსო სატრანსპორტო საშუალებებს - ყველა მიმართულებით; ბ.ბ) მკერდის მხრიდან ყველა სატრანსპორტო საშუალებას უფლება აქვს იმოძრაოს მხოლოდ მარჯვნივ. ამავე თავის 32-ე მუხლის, მე-5 პუნქტის "გ" ქვეპუნქტის თანახმად, თანაბარმნიშვნელოვანი გზების გადაკვეთაზე ურელსო სატრანსპორტო საშუალების მძღოლი გზას უთმობს მარჯვნიდან მოახლოებულ სატრანსპორტო საშუალებას. ამავე წესით ხელმძღვანელობენ ტრამვაის მძღოლები. ასეთ გზაჯვარედინზე ტრამვაის უპირატესობა აქვს ურელსო სატრანსპორტო საშუალების მიმართ, მიუხედავად მისი მოძრაობის მიმართულებისა. მოცემულ სიტუაციაში ორივე სატრანსპორტო საშუალების მძღოლს უფლება აქვს გააგრძელოს მოძრაობა დასახული მიმართულებით და თანაბარმნიშვნელოვანი გზების გზაჯვარედინზე გავლის წესის თანახმად, თქვენ გენიჭებათ უპირატესობა მსუბუქი ავტომობილის მიმართ, რომელიც ასრულებს მობრუნებას. გზაჯვარედინი უნდა გაიაროთ პირველმა.