საქართველოს კანონის "საგზაო მოძრაობის უსაფრთხოების შესახებ" (28.05.1999 წელი) მე-5 თავის, 37-ე მუხლის, მე-2 პუნქტის თანახმად გზაზე, სადაც 5.9 "სამარშრუტო სატრასპორტო საშუალებათა ზოლი" ნიშნით აღნიშნული სამარშრუტო სატრასპორტო საშუალებების მოძრაობისათვის განკუთვნილი ზოლია, აკრძალულია ამ ზოლზე სხვა სატრასპორტო საშუალებათა მოძრაობა და გაჩერება. თუ ეს ზოლი დანარჩენი სავალი ნაწილიდან გამოყოფილია მონიშვნის წყვეტილი ხაზით, მოხვევისას სხვა სატრასპორტო საშუალებები ამ ზოლზე უნდა გადაჯგუფდნენ. ნებადართულია აგრეთვე ამ ზოლის ისეთ ადგილებში შესვლა გზაზე გასვლისა და მგზავრთა ჩასხდომა-გადმოსხდომის დროს სავალი ნაწილის მარჯვენა ნაპირთან, თუ ეს არდააბრკოლებს სამარშრუტო სატრასპორტო საშუალებების მოძრაობას. ხოლო იმავე კანონის 27-ე მუხლის, მე-5 პუნქტის თანახმად მარჯვნივ, ან მარცხნივ მოხვევის დროს მძღოლი ვალდებულია დროულად დაიკავოს შესაბამისი განაპირა მდებარეობა სავალ ნაწილზე, რომელიც მოცემული მიმართულებისთვისაა განკუთვნილი.მოცემულ სიტუაციაში მსუბუქი ავტომობილის მძღოლმა უნდა გაატაროს ტროლეუბუსი, გადავიდეს მარჯვნივ და იქიდან შეასრულოს მარჯვნივ მოხვევა.