საქართველოს კანონის "საგზაო მოძრაობის უსაფრთხოების შესახებ" (28.05.1999 წელი) მე-5 თავის, 42-ე მუხლის, მე-5 პუნქტის თანახმად, სატრანსპორტო საშუალების გაბარიტს გარეთ წინ და უკან ერთ მეტრზე მეტად, ან გვერდიდან საგაბარიტო სინათლის გარე ნაპირიდან 0,4 მეტრზე მეტად გადმოშვერილი ტვირთი აღინიშნება საცნობი ნიშნით "მსხვილგაბარიტიანი ტვირთი”, ხოლო დღე-ღამის ბნელ დროს, ან არასაკმარისი ხილვადობის პირობებში, ამასთან, წინ – ფარნით, ან თეთრი ფერის შუქამრეკლით, უკან – ფარნით, ან წითელი ფერის შუქამრეკლით. ხოლო იმავე კანონის 21-ე თავის, მე-9 პუნქტის "T" ქვეპუნქტის თანახმად საგზაო საცნობი ნიშნი "მსხვილგაბარიტიანი ტვირთი” – 400X400 მმ ზომის დაფა, რომელზედაც დიაგონალურადაა დახაზული 50 მმ სიგანის ურთიერთმონაცვლე წითელი და თეთრი ფერის ზოლები შუქამრეკლი ზედაპირით;მოცემული საცნობი ნიშნით აღინიშნება ტვირთი, თუ ის გადმოშვერილია გვერდიდან საგაბარიტო სინათლის გარე ნაპირიდან 0,4 მეტრზე მეტად.