საქართველოს კანონის "საგზაო მოძრაობის უსაფრთხოების შესახებ" (28.05.1999 წელი) საქართველოს საგზაო მოძრაობის წესების დანართის პირველი თავის "საგზაო ნიშნები", 3.28 პუნქტის თანახმად საგზაო ნიშანი 3.28 "დგომა აკრძალულია” - კრძალავს სატრანსპორტო საშუალების დოგმას და ამავე თავის განმარტების თანახმად 3.28 ნიშნის მოქმედება ვრცელდება - ნიშნის დადგმის ადგილიდან მის შემდეგ მდებარე უახლოეს გზაჯვარედინამდე, ხოლო დასახლებულ პუნქტში, თუ არარის გზაჯვარედინი - დასახლებული პუნქტის ბოლომდე. საგზაო მოძრაობის წესების ტერმინების განმარტების თანახმად, გზაჯვარედინი არის ერთ დონეზე გზების გადაკვეთის, შეერთების ან განშტოების ადგილი, შემოსაზღვრული წარმოსახვითი ხაზებით, რომელიც აერთიანებს შესაბამისად საპირისპირო, გზაჯვარედინის ცენტრიდან ყველაზე მეტად დაშორებული სავალი ნაწილების მომრგვალებათა დასაწყისებს. მიმდებარე ტერიტორიებიდან გამოსასვლელები გზაჯვარედინებად არითვლება. მოცემულ სიტუაციაში, არხდება ერთ დონეზე გზების გადაკვეთა, რაც არწარმოადგენს გზაჯვარედინს და ნიშნის მოქმედება ვრცელდება გზაგამტარის შემდეგაც უახლოეს გზაჯვარედინამდე. მძღოლს უფლება არა აქვს დააყენოს ავტომობილი სადგომზე გზაგამტარის იქეთ.