საქართველოს კანონის "საგზაო მოძრაობის უსაფრთხოების შესახებ" (28.05.1999 წელი) 5-ე თავის 27-ე მუხლის მე-12 პუნქტის თანახმად გზაზე გასასვლელ ადგილზე გაქანების ზოლის არსებობის შემთხვევაში მძღოლი ამ ზოლზე მოძრაობისას და მეზობელ ზოლზე გადაადგილებისას გზას უთმობს მასზე მოძრავ სატრანსპორტო საშუალებებს.
ამავე კანონის საქართველოს საგზაო მოძრაობის წესების დანართის მე-2 თავის 1.8 პუნქტის თანახმად ჰორიზონტალური საგზაო მონიშვნა 1.8 (განიერი წყვეტილი ხაზი) აღნიშნავს საზღვარს გაქანების ან დამუხრუჭების ზოლსა და სავალი ნაწილის ძირითად ზოლს შორის.მოცემულ სიტუაციაში მოტოციკლის მძღოლი მოძრაობს გაქანების ზოლზე და ავტომაგისტრალის ძირითად ზოლზე გადაადგილებისას, სადაც თქვენ მოძრაობთ, ვალდებულია დაგითმოთ გზა.