საქართველოს კანონის "საგზაო მოძრაობის უსაფრთხოების შესახებ" (28.05.1999 წელი) საქართველოს საგზაო მოძრაობის წესების დანართის პირველი თავის "საგზაო ნიშნები" 3.28 პუნქტის თანახმად საგზაო ნიშანი 3.28 "დგომა აკრძალულია” კრძალავს სატრანსპორტო საშუალების დგომას, ხოლო ამავე თავის 7.2.2 პუნქტის თანახმად დამატებითი ინფორმაციის ნიშანი 7.2.2 "მოქმედების ზონა" მიუთითებს 3.27-3.30 ამკრძალავი ნიშნების მოქმედების ზონას. ამავე კანონის პირველი თავის, პირველი მუხლის, ტერმინების განმარტების თანახმად "დგომა” არის სატრანსპორტო საშუალების მოძრაობის გამიზნულად შეწყვეტა 5 წუთზე მეტი დროით, თუ ეს არეხება მგზავრთა ჩასხდომა-გადმოსხდომას ან სატრანსპორტო საშუალების დატვირთვა-გადმოტვირთვას, ხოლო "გაჩერება” – სატრანსპორტო საშუალების მოძრაობის წინასწარგანზრახული შეწყვეტა 5 წუთამდე ან უფრო მეტი ხნით, თუ ეს აუცილებელია მგზავრთა ჩასხდომა-გადმოსხდომის ან სატრანსპორტო საშუალების დატვირთვა-გადმოტვირთვისათვის. მოცემულ სიტუაციაში სგაზაო ნიშნები 3.28 "დგომა აკრძალულია” და 7.2.2 "მოქმედების ზონა" კრძალავენ ნიშნიდან 200 მეტრმანძილზე სატრანსპორტო საშუალების მხოლოდ დგომას და გაჩერება მგზავრის ჩაჯდომის მიზნით ნებადართულია.