საქართველოს კანონის "საგზაო მოძრაობის უსაფრთხოების შესახებ" (28.05.1999 წელი) საქართველოს საგზაო მოძრაობის წესების დანართის მე-2 თავის "საგზაო მონიშვნა", 1.18 პუნქტის თანახმად საგზაო მონიშვნა 1.18 აღნიშნავს გზაჯვარედინის ზოლებზე მოძრაობის ნებადართულ მიმართულებებს. უკიდურესი მარცხენა ზოლიდან მარცხნივ მოხვევის ნებადამრთველი მონიშვნა, ამავე დროს ამ ზოლიდან მობრუნების ნებასაც იძლევა. იმავე კანონის მე-5 თავის, 27-ე მუხლის, მე-5 პუნქტის თანახმად მარჯვნივ ან, მარცხნივ მოხვევის წინ მძღოლი ვალდებულია დროულად დაიკავოს შესაბამისი განაპირა მდებარეობა სავალ ნაწილზე, რომელიც მოცემული მიმართულებით მოძრაობისთვისაა განკუთვნილი,იმავე თავის 28-ე მუხლის, მე-5 პუნქტის თანახმად სატრანსპორტო საშუალება, რომლის მოძრაობის სიჩქარე არაღემატება 40 კმ/სთ-ს, ან რომელიც ტექნიკური მდგომარეობის გამო ვერავითარებს ამ სიჩქარეს, უნდა მოძრაობდეს განაპირა მარჯვენა ზოლზე, იმ შემთხვევის გარდა, როცა ხორციელდება შემოვლა, გასწრება, მარცხნივ მოხვევის, ან მობრუნების წინ გადაჯგუფება. მოცემულ სიტუაციაში სატვირთო ავტომობილს მძღოლი მობრუნებას ასრულებს საგზაო მოძრაობის წესების დაცვით, ხოლო ტრაქტორის მძღოლს არა აქვს უფლება იმოძრაოს მეორე ზოლში, მსუბუქი ავტომობილის მძღოლს არა აქვს უფლება მოძრაობა გააგრძელოს მარჯვნივ. საგზაო მოძრაობის წესების მოთხოვნებს არღვევენ მსუბუქი ავტომობილის და ტრაქტორის მძღოლები.