საქართველოს კანონის „საგზაო მოძრაობის უსაფრთხოების შესახებ" (28.05.1999 წელი) 5-ე თავის 31-ე მუხლის პირველი და 2-ე პუნქტების თანახმად:1. სატრანსპორტო საშუალების გაჩერება და დგომა ნებადართულია გზის მარჯვენა მხარეს გვერდულზე, ხოლო თუ ის არარის - სავალი ნაწილის ნაპირთან, გზის მარცხენა მხარეს გაჩერება და დგომა ნებადართულია დასახლებულ პუნქტში იმ გზაზე, სადაც თითოეული მიმართულებისათვის ერთი სამოძრაო ზოლია შუაში, ტრამვაის ლიანდაგის გარეშე და გზაზე, სადაც ცალმხრივი მოძრაობაა (3.5 ტონაზე მეტი ნებადართული მაქსიმალური მასის მქონე სატვირთო ავტომობილის ცალმხრივმოძრაობიანი გზის მარცხენა მხარეს დგომა შეიძლება მხოლოდ მისი დატვირთვის ან გადმოტვირთვის დროს).2. სატრანსპორტო საშუალების დაყენება ნებადართულია ერთ რიგად სავალი ნაწილის ნაპირის პარალელურად, იმ ადგილის (სავალი ნაწილის ადგილობრივი გაფართოება) გარდა, რომელიც სატრანსპორტო საშუალების სხვაგვარად დაყენების პირობებს ქმნის. დასაშვებია გვერდითი მისაბმელის გარეშე ორთვლიანი სატრანსპორტო საშუალების ორრიგად დაყენებაც.ამავე თავის 28-ე მუხლის პირველი პუნქტის თანახმად ურელსო სატრანსპორტო საშუალებათა მოძრაობისათვის ზოლების რაოდენობა განისაზღვერბა მონიშვნით ან 5.8.1-5.8.8 ნიშნებით, ხოლო თუ ისინი არარის - თვით მძღოლის მიერ, სავალი ნაწილის სიგანის, სატრანსპორტო საშუალების გაბარიტისა და მათ შორის აუცილებელი ინტერვალის გათვალისწინებით. ამასთან, საპირისპირო მოძრაობისათვის განკუთვნილ მხარედ ითვლება მარცხნივ განლაგებული სავალი ნაწილის სიგანის ნახევარი.მოცემულ სიტუაციაში სავალი ნაწილის სიგანის და სატრანსპორტო საშუალების გაბარიტის გათვალისწინებით ნაჩვენებ გზას გააჩნია ორი სამოძრაო ზოლი თითოეული მიმართულებით მოძრაობისათვის, ხოლო საგზაო ნიშანი 5.15 „დგომის ადგილი" დამატებითი ინფორმაციის დაფით 7.6.2. „სატრანსპორტო საშუალების სადგომზე დაყენების ხერხი" მიუთითებს მსუბუქი ავტომობილების და მოტოციკლების სადგომზე გაჩერების წესს, რასაც ასრულებს მოტოციკლის მძღოლი. საგზაო მოძრაობის წესების მოთხოვნებს არღვევს სატვირთო ავტომობილის და ავტობუსის მძღოლები.