საქართველოს კანონის "საგზაო მოძრაობის უსაფრთხოების შესახებ" (28.05.1999 წელი) საქართველოს საგზაო მოძრაობის წესების დანართის პირველი თავის "საგზაო ნიშნები" თანახმად საგზაო ნიშნები: - 2.3.1 "მეორეხარისხოვან გზასთან გადაკვეთა" გვაფრთხილებს, რომ ვუახლოვდებით გზაჯვარედინს, სადაც ხდება მეორეხარისხოვან გზასთან გადაკვეთა და პრიორიტეტით სარგებლობს მთავარ გზაზე მოძრავი სატრანსპორტო საშუალება. - 1.8 "შუქნიშნით რეგულირება" გვაფრთხილებს, რომ ვუახლოვდებით გზაჯვარედინს, ქვეითთა გადასასვლელს ან გზის მონაკვეთს, რომელზედაც მოძრაობა შუქნიშნით რეგულირდება. - 2.4 "დაუთმე გზა" მძღოლი გზას უთმობს გადასაკვეთ გზაზე მოძრავ სატრანსპორტო საშუალებას. ხოლო 7.13 დაფის არსებობისას - მთავარ გზაზე მოძრავ სატრანსპორტო საშუალებას. - 1.30 "სხვა საშიშროებანი" გვაფრთხილებს, რომ ვუახლოვდებით გზის მონაკვეთს, სადაც არსებობს სხვა გამაფრთხილებელი ნიშნებით გაუთვალისწინებელი საშიშროებანი. - 2.6 "საპირისპირო მოძრაობის უპირატესობა" კრძალავს გზის ვიწრო მონაკვეთზე შესვლას, თუ ეს აძნელებს საპირისპირო მოძრაობას. მძღოლი გზას უთმობს შემხვედრ სატრანსპორტო საშუალებას, რომელიც იმყოფება გზის ვიწრო მონაკვეთზე, ან მის მოპირდაპირე მისასვლელთან. მოცემული საგზაო ნიშნებიდან მძღოლს ავალდებულებს გზა დაუთმოს გადასაკვეთ გზაზე მოძრავ სატრანსპორტო საშუალებას C ასოთი აღნიშნული საგზაო ნიშანი 2.4 "დაუთმე გზა".