საქართველოს კანონის "საგზაო მოძრაობის უსაფრთხოების შესახებ" (28.05.1999 წელი) საქართველოს საგზაო მოძრაობის წესების დანართის I თავის "საგზაო ნიშნები" 5.3 პუნქტის თანახმად საინფორმაციო-მაჩვენებელი ნიშანი 5.3 "საავტომობილო გზა" გვაძლებს ინფორმაციას, რომ ვიმყოფებით გზაზე, რომელიც განკუთვნილია მხოლოდ ავტომობილების, ავტობუსებისა და მოტოციკლების მოძრაობისათვის. ხოლო იმავე თავის 5.30.3 პუნქტის თანახმად საინფორმაციო-მაჩვენებელი ნიშანი 5.30.3 "მოძრაობის მიმართულება სატვირთო ავტომობილებისათვის" გვიჩვენებს მოძრაობის რეკომენდებულ მიმართულებას სატვირთო ავტომობილის, ტრაქტორის და თვითმავალი მანქანისათვის, თუ გზაჯვარედინზე მათი ერთ-ერთი მიმართულებით მოძრაობა აკრძალულია. ასევე 3.4 პუნქტის თანახმად საგზაო ნიშანი 3.4 "სატვირთო ავტომობილის მოძრაობა აკრძალულია" კრძალავს სატვირთო ავტომობილისა და თვითმავალი მანქანის მოძრაობას, რომელთა ნებადართული მაქსიმალური მასის 3,5 ტონას აღემატება (თუ ნიშანზე მასა არარის მითითებული, ან აქვთ ნებადართული მაქსიმალური მასა, რომელიც აღემატება ნიშანზე მითითებულს. ხოლო დამატებითი ინფორმაციის ნიშნები (დაფები) 7.3.1 და 7.3.3 მიუთითებენ გზაჯვარედინის წინ დადგმული ნიშნის მოქმედების მიმართულებას, ან მიმართულებას უშუალოდ გზასთან არსებული აღნიშნული ობიექტისკენ. მოცემულ შემთხვევაში A საგზაო ნიშანი გვაძლევს ინფორმაციას, რომ გზაჯვარედინზე საავტომობილო გზა გრძელდება მარჯვნივ, B საგზაო ნიშანი გვიჩვენებს, რომ სატვირთო ავტომობილების რეკომინდებული გზა გრძელდება მარცხნივ და მათ არავითარი აკრძალვა არშემოაქვთ, ხოლო C საგზაო ნიშნები კრძალავენ 3,5 ტონაზე მეტი მაქსიმალური ნაბადართული მასის მქონე სატვირთო ავტომობილის მოძრაობას მარჯვნივ და მარცხნივ.