საქართველოს კანონის "საგზაო მოძრაობის უსაფრთხოების შესახებ" (28.05.1999 წელი) მე-5 თავის, 42-ე მუხლის, მე-5 პუნქტის თანახმად სატრანსპორტო საშუალების გაბარიტს გარეთ წინ და უკან ერთ მეტრზე მეტად, ან გვერდიდან საგაბარიტო სინათლის გარე ნაპირიდან 0,4 მეტრზე მეტად გადმოშვერილი ტვირთი აღინიშნება საცნობი ნიშნით "მსხვილგაბარიტიანი ტვირთი”, ხოლო დღე-ღამის ბნელ დროს, ან არასაკმარისი ხილვადობის პირობებში, ამასთან, წინ – ფარნით ან თეთრი ფერის შუქამრეკლით, უკან – ფარნით ან წითელი ფერის შუქამრეკლით. ამავე თავის 21-ე მუხლის, მე-9 პუნქტის, "თ” ქვეპუნქტის თანახმად საცნობი ნიშანი "მსხვილგაბარიტიანი ტვირთი” არის 400X400 მმ ზომის დაფა, რომელზედაც დიაგონალურადაა დახაზული 50 მმ სიგანის ურთიეთმონაცვლე წითელი და თეთრი ფერის ზოლები შუქამრეკლი ზედაპირით.