საქართველოს საგზაო მოძრაობის წესების დანართის, საქართველოს მინისტრთა კაბინეტის 1994 წლის დადგენილებით დამტკიცებული "სატრანსპორტო საშუალებათა საექცპლუატაციოდ დაშვებისა და საგზაო მოძრაობის უსაფრთხოების უზრუნველყოფისათვის თანამდებობის პირთა ვალდებულებების ძირითადი დებულებანი"-ის 2-ე პუნქტის თანახმად, მექანიკური სატრანსპორტო საშუალებებზე და მისაბმელებზე განკუთვნილ ადგილებზე უნდა გაუკეთდეს შესაბამისი ნიმუშის სარეგისტრაციო ნიშნები, ხოლო ავტომობილებზე, ამის გარდა, საქარე მინის მარჯვენა ქვედა კუთხეში განლაგდება სახელმწიფო ტექნიკური დათვალიერების ჩატარების დამადასტურებელი ტალონი.

საქართველოს კანონის "საგზაო მოძრაობის უსაფრთხოების შესახებ" (28.05.1999 წელი) 5-ე თავის 21-ე მუხლის 9-ე პუნქტის "ე" ქვეპუნქტის თანახმად სატრანსპორტო საშუალებაზე, რომელსაც გადააქვს საშიში ტვირთი წინა და უკანა მხარეს მაგრდება საცნობი ნიშანი `საშიში ტვირთი” – 690X300 მმ ზომის სწორკუთხედი, რომლის მარჯვენა ნაწილის სიგანეა 400X300 მმ და შეღებილია ნარინჯისფრად, ხოლო მარცხენა ნაწილი თეთრად, გარშემო შავი ფერის არშიით (სიგანე 15 მმ).